Maid mearkkaša leat verddebearašin?
Verddebearašin šattat don/šaddabehtet dii dehálaš oassi nuorain, danne go dát mearkkaša ahte lea mávssolaš oažžut orrunsaji dan botta go sii leat oahppin Sámi joatkkaskuvlla ja boazodoalloskuvllas.
Jus vuolggát verddebearašin de válddát nuoraid gaskkal 16-18 jagi, geat vázzet min skuvllas orrut iežat/iežadet lusa. Skuvla máksá dutnje/didjiide leat verddebearašin, muhto dii sáhttibehtet maid ieža sihtat oahppi máksit viessoláiggu. Verddebearaš mearkkaša ahte don válddát iežat ruktui nuoraid gaskkal 16-18 jagi geat leat eará suohkanis ere dahje leat eará fylkkas eret. Verddebearaš ieš mearrida háliidit go láigohit lanja, ássodaga dahje hybela oahppái gii boahtá. Leahkit verddebearašin addá hui ollu du bearrašii. Dii oažžubehtet ovtta vel olbmo áimmohuššat ja árgabeaivvis šaddá ođđa energiija. Dát lea áigodat don boađát muitit, ja verddeoahppi maid boahtá muitit du ja du bearraša ja dan áiggi maid leiddet ovttas. Verddeoahppi bearraš maid dovdá oadjebasvuođa go bearaš lea das oahppi dihte. Ollu bearrašiidda lea dát maid vejolašvuohta iežaset mánáid ráhkkanahttit dasa jus sii áigot vázzit skuvlla eará sajis go ruovttus. Loga verddebearašortnega birra dás.