Mii fállat gáiddusoahpahusa sámegielas

Váccát go don joatkkaskuvlla báikkis gos eai fála oahpahusa sámegielas? Mii Sámi joatkkaskuvllas ja boazodoalloskuvllas fállat gáiddusoahpahusa davvisámegielas, sihke vuosttašgielagiidda ja nubbingielagiidda.

Mis leat buorit teknihkalaš čovdosat, ja oahpahus lea Microsoft Teams bokte. Oahppi beassá válljet makkár suopmanii háliida oahpahusa, Guovdageainnu vai Kárášjoga suopmanii.

Sámi ohppiin vuođđoskuvllas ja joatkkaskuvllas lea riekti oažžut oahpahusa sámegielas, vaikko gos Norggas oroše. Ohppiin geat orrot sámi guovlluin lea riekti oažžut oahpahusa sámegillii ja sámegielas. Lea skuvlaeaiggáda ovddasvástádus bearráigeahččat ahte ohppiid rievttit leat vuhtiiváldon. Jus du ruovttuskuvla ii sáhte fállat oahpahusa sámegielas, de ferte skuvlaeaiggát láhčit oahppái eará fálaldaga, dego gáiddusoahpahusa. Riekti sámegieloahpahussii lea lahkavuođđuduvvon oahpahuslagas 6.kapihttalis.

Váldde áinnas oktavuođa minguin, de oaččut eambbo dieđuid: tlf. 78484500 dahje postmottak@samisk.vgs.no

Oahpahusbearráigeahčči Anna Solveig Gaup Sara deaivvat tlf. 962 29 279.

Eambbo dieđut:
Rámmát: https://www.udir.no/laring-og-trivsel/samisk-i-skolen/rammeverk-for-fjernundervisning/
Oahpahusláhka: Opplæringslovens kapittel 6 beskriver retter og plikter til samisk opplæring

Gulahallanolbmot

Oahpahusbearráigeahčči

Govva Anna Solveig Gaup Sara
962 29 279