Oahppospesialiseren

Don válljet čiekŋudit 

  • reálafágaide
  • gielaide, servodatfágii ja ekonomiijai

 

Don oahpat, dan mielde makkár fágaid válljet:

  • matematihka ja eará reálafágaid
  • jođiheami ja ekonomiija
  • historjjá, politihka ja psykologiija
  • gielaid
  • eará teorehtalaš fágaid

 

Don berret

  • liikot bargat teorehtalaš fágaiguin
  • leat gearggus ovttasbargui, bargat struktuvrralaččat ja iešdisipliinnain
  • liikot čállit dahje rehkenastit
  • beroštit kultur- ja servodatdiliin

 

Don olahat

  • studerengelbbolašvuođa ja sáhtát váldit alit oahpu 

 

Jos válddát alit oahpu, de sáhtát šaddat earret eará 

  • buohccedivššárin, doavttirin dahje šibitdoavttirin
  • inšenevran, juristan dahje ekonoman
  • oahpaheaddjin, psylologan dahje dutkin
  • Dahje soaittát bargat eará fidnuin – go dus lea oppalaš studerengelbbolašvuohta, de sáhtát ohcat eanaš allaskuvllaid ja universiteahtaid oahpuide

 

Vejolaš bargosajit

  • buohcceviesut, duopmostuolut, politistašuvnnat dahje gielddahálddahusat 
  • advokáhttakantuvrrat, konsuleantafitnodagat dahje inšenevrafitnodagat 
  • mánáidgárddit, skuvllat dahje universitehtat 

 

Alit ohppui beassama gáibádusat
Go olahat oppalaš studerengelbbolašvuođa, de sáhtát ohcat eanaš allaskuvllaid ja universitehtaid oahpuide. Muhtin oahpuide gal leat erenoamáš ohppuibeassangáibádusat:

  • Sisabeassangeahččaleamit: Ollu luovvalas fágaid oahpuin lea sisabeassangeahččaleapmi.
  • Reálafágagáibádus: Muhtun oahpuide gáibidit ahte leat váldán dihto reálafágaid, ovdamearkka dihte inšenevra-, reálafága- ja medisiinna oahpuide. Don gávnnat ohppuibeassangáibádusaid neahttasiiddus samordnaopptak.no. Jos válljet oahppospesialiserema ja logat reálafágaid Jo2- ja Jo3-ceahkis, de lea stuorámus vejolašvuohta ahte leat váldán daid reálafágaid, maid dárbbašat. 
  •  

Fágaid válljen oahppospesialiserema oahppoprográmmas

  • Jos válddát reálafágaid dahje giela, servodatfága ja ekonomiija, de válljet guokte prográmmafága Jo2:s, maid fertet joatkit Jo3:s. Dan gohčodit čiekŋumin. Dat prográmmafágat fertejit gullat du prográmmasuorgái.
  • Galggat válljet vel guokte prográmmafága, ovtta ovtta Jo2:s ja ovtta Jo3:s. Dat sáhttet leat du prográmmasuorggis dahje studeremii ráhkkanahtti oahppoprográmma eará prográmmasuorggis (ovdamearkka dihte reálafága dahje vierisgiella). It dárbbaš joatkit válljejuvvon prográmmafágain maŋit ceahkis.
    - Itgo lohkan vierisgiela nuoraidceahkis? Dalle fertet válljet vierisgiela oktasašfágan Jo3:s, itge de beasa válljet prográmmafága Jo3:s.
  • Leat erenoamáš njuolggadusat fágaid válljemii, jos válljet matematihka R1/S1 prográmmafágan Jo2:s.
  • Skuvla dat mearrida guđe prográmmafágaid dat fállá.
  • Leatgo dus erenoamáš jurdagat boahtteáiggi hárrái? Dalle berret dárkkistit mii gáibiduvvo daid oahpuide, maidda dus lea beroštupmi, ovdalgo válljet fágaid.
  • Vierisgiela ja reálafága prográmmafágain oažžu lassičuoggáid go ohcá alit ohppui

 

https://www.vilbli.no