Girjerájus

Skuvllas lea girjerájus maid oahppit, oahpaheaddjit ja eará bargit besset atnit. Girjerájus lea buohkaid gávnnadanbáiki, gasku skuvlla dego váibmu mii coahkká!
 
Visot girjjit ja medijat leat biddjon ovtta básii mii lea Mikromarc dihtorprográmmas. Doppe sáhttá ohcat min girjjiid, filmmaid dahje eará medijaid. Geahččal!

Girjerájus lea mávssolaš oahppanbáiki ohppiide min skuvllas.

Girjerádjosis sáhtát bargat akto dahje joavkobargguid, dáppe sáhtát maid oaidnalit olbmaiguin. Dáppe gávnnat fága- ja čáppagirjjálašvuođa girjjiid, govvaráidduid, áviissaid, áigečállosiid, filmmaid, jietnagirjjiid ja                                   oahpponeavvuid. Dus lea ruđalaš ovddasvástádus dasa maid luoikkahat, jus láhpát dahje billistat maidege fertet               máksit daid. Girjerájus sáhttá maid diŋgot gáiddusluoikkaheami eará girjerádjosiin.

Girjerájusbargi sáhttá veahkehit du dieđuid ohcamiin, gáldokritihkain ja gáldočujuhusaiguin. Girjerájus veahkeha du         gávdnat daid dieđuid maid don dárbbašat.  

Rahpanáiggit: 08:30 - 15:30

 
Ná luoikkahat e-girjjiid!

Loga ja guldal e-girjjiid og e-jietnagirjiid nuvttá mobiltelefuvnnas ja nettbrettas!

  1. Laste vuolos Bookbites du mobiltelefuvnna appgávppis, gávdno sihke iOS (Apple) ja Android telefuvnnaide.
  2. Ráhkat geavaheaddji, geavat e-posttačujuhusa man leat skuvllas ožžon ja ráhkat alcces čiegussáni.

Du láigojeaddjinummar ja PIN-kode oaččut skuvlla girjerádjosis, jus dus ii leat dat juo.   

Gulahallanolbmot

Girjerájusbargi

Govva Line Cecilie Buljo
940 13 496