Lohkanbeaivvit

LOHKANBEIVVIID NJUOLGGADUSAT

Oahpahusláhka addá ohppiide vejolašvuođa váldit lohkanbeivviid. Lohkanbeaivvit rehkenastojit oahpahussan ja eai galgga merkejuvvot jávkamin.
Oahppit sáhttet oažžut 4- njeallje- lohkanbeaivvi termiinnas. Dábálaš lea addit ovtta ja ovtta lohkanbeaivvi. Juohke ohcama galgá gieđahallat individuálalaččat. Gulahallanoahpaheaddji juolluda lohkanbeivviid, muhto galgá dán dahkat ovttas fágaoahpaheddjiiguin.

Gáibádusat ohcamii:
     - Ohcama galgá addit gulahallanoahpaheaddjái unnimus 5- vihtta - beaivvi ovdal
     - Ohcan galgá muitalit masa lohkanbeaivvit adnojit
     - Ohcan galgá čájehit makkár oahppan- ja gelbbolašvuođaulbmiliid gokčá fágain (jus lea eanet go okta beaivi)
 Galgá ohcat sierra skoviin. Skovvi lea gávdnamis ohppiidsiidduin skuvlla ruovttusiiddus.

Oahppi geatnegasvuođat:
     - Ráhkadit iešárvvoštallama lohkanbeavvi (-beivviid) barggus ja addit dan gulahallanoahpaheaddjái
     - Čuovvut mii dáhpáhuvvá oahpahusas go sus lea lohkanbeaivi (-beaivvit)

Oahppit geain lea ollu jávkan eai galgga dábálaččat oažžut lohkanbeivviid. Jus lea heajos árvvoštallanvuođđu, ii ge galgga addit lohkanbeivviid čiekŋalis árvvoštallama haga. Goit ge galgá juohke ohcama gieđahallat individuálalaččat.
 
Skovvi ohcat lohkanbeivviid