Oahpásmuva girječálliin Máret Ánne Sarain

Publisert: 17.11.2015

Mii bovdet ohppiideamet oahpásmuvvat Máret Ánne Sarain. Skábmamánu 23. beaivvi boahtá beakkán girječálli ja multidáiddár min ohppiide muitalit girjjis birra Ilmmiid gaskkas, ja seammás beassat oaidnit su govvadáidagiin oasi.

 

Ilmmiid gaskas girji almmustuvai 2013is ja lea gohčoduvvon nuoraid fantasyrománan mii lea huksejuvvon sámi myhtamáilmmis. Jagi maŋŋil nammaduvvui son Davviriikalaš ráđi Mánáid- ja nuoraidgirjjálašvuođa bálkášupmái dáinna girjjiin. Girji lea čállon davvisámegillii ja čálli lea ieš jorgalan dan dárogillii. Nubbi girji, Doaresbealde doali almmuhuvvui 2014is ja lea čuovvoleapmi vuosttaš girjái. 

Árbevierru ja dálá áigi
Mii beassat gullat mii su movttidahttá čállit ja ráhkadit dáidagiid. Govvadáidda lokte áigeguovdilis fátttáid ja viežžá sámi árbevirolaš govvosiid sáhkaguoddin. Ovtta dáiddačájáhusas dálkkádaga ja birasgáhttema birra, gilde su čájeheames ovtta gova. 

Eambbo sámegiel girjjálašvuohta nuoraide 
Almmuhuvvojit beare unnán sámegiel girjjit nuoraide. Logaldallan lea Guovdageainnu, Kárašjoga ja Poršáŋggu girjerádjosiid ja joatkkaskuvllaid girjerádjosiid ovttasbargu. Fritt ord lea ruhtadan dán ovttasbarggu ja dáinna hálidit čalmmustahttit oasi das mii ráhkaduvvo. Máret Ánne Sara jietna lea dakkár maid leat guhka vuordán ja lea dehálaš go galga loktet sámi mánáid- ja nuoraidgirjjálašvuođa dálá áigái.

Goas: Skábmamánu 23. beaivvi dii. 12.30 - 14.10.

Gos: Sámi joatkkaskuvla ja boazodoalloskuvlla lášmmohallansáles.