Buot oahppit galget boahtit skuvlla kántiinai dii. 08.30 juohke beaivve. Doaibmi rektor muitala guđe klássaide bargoheaitta čuohcá.
Oahpahus ja jávkan
Diibmoplána ii rievdaduvvo nu guhkka go lea bargoheaitta. Mii almmuhit diehtotávvalis skuvlafeaskáris ja Teamsas guđemuš oahpaheaddjit leat bargoheaitagis. Oahppit fertejit ieža čuovvut iežaset diibmoplánas guđe diimmuin sis leat oahpaheaddjit. Jus oahpahus gaskkalduvvu bargoheaitaga geažil, de eai oaččo oahppit jávkama.
Oahpaheaddjit geat eai leat bargoheaitagis, čađahit oahpahusa nugo dábálaččat. Dat mearkkaša ahte oahppit galget boahtit skuvlii , ja jávkan registrerejuvvo nugo dábálaččat.
Eksámen
Jus oahppit masset eksámen ráhkkananbeaivvi muhtun fágas bargoheaitaga geažil, de dan fága eksámen hilgojuvvo. Fága loahppaárvosátni bidjo loahppaduođaštussii.
Doaibmi rektor, Anna Solveig Gaup Sara vástida jus dus leat gažaldagat bargoheaitaga ektui.