BIRASPEDAGOGA
Isak Ole J Hætta lea biraspedagoga min skuvllas. Biraspedagoga lea ohppiid várás, ja son galgá doarjut ohppiid skuvlaárgabeaivvis. Son ovttasbargá earret eará skuvlla ráđđeaddiiguin, skuvladearvvašvuođabálvalusain, oahpaheddjiiguin ja eará bargiiguin skuvllas. Biraspedagoga doaibmá dego gulahallangaskaoapmin ohppiid ja bargiid gaskkas, ja son galgá leat veahkkin sihkkarastit buori gulahallama iešguđetge joavkkuid gaskkas.
Su bargu lea earret eará:
- Leat oidnosis ja leat positiivvalaš rávisolmmoš skuvlabirrasis.
- Doarjut ja bagadallat ohppiid
- Leat olámuttus ohppiide, jus oahppit dárbbašit veahki dahje hupmat hástalusaid birra skuvlaárgabeaivvis
- Leat mielde hábmeme oadjebas ja positiivvalaš skuvlabirrasa, gos oahppit loktet ja dovdet iežaset mielde skuvlaárgabeaivvis
- Plánet doaimmaid ovttas ohppiiguin, mat hábmejit nanu searvevuođa ja buori skuvlabirrasa
- Veahkehit ja gulahallat ohppiiguin geat eai oro ruovttus
Oktavuođadieđut: Isak Ole J. Hætta, tlf. 952 26 142, e-poasta: isak.ole.heatta@samisk.vgs.no
PEDAGOGALAŠ-PSYKOLOGALAŠ BÁLVALUS (PPB)
Sollaug Sargon lea PP-bálvalusa ráđđeaddi skuvllas. Dál lea Linn Guttormsen Eira su sadjásaš.
PPB rávve ja bagada oahppi áššiid ektui, čielggada iešguđet váttisvuođaid dahje ráhkada áššedovdi árvvoštallamiid.
PPB ovttasbargá du skuvllain dahje oahppofitnodagain, ja veahkeha gávdnat guđe heiveheami don dárbbašat vai oaččut nu buori oahpahusa go vejolaš. Jus don ražat motivašuvnnain dahje eará váttisvuođaiguin, de sáhttá PPB leat buorre ságastallanguoibmin.
PPB kárte ja čielggada iešguđet váttisvuođaid ja hástalusaid mat dahket ahte don dárbbašat liige veahki ja heiveheami skuvllas dahje oahppofitnodagas. PPB ráhkada áššedovdi árvvoštallama earret eará individuála heivehuvvon oahpahusa dárbui, skuvllas dahje fitnodagas. Dasa gáibiduvvo formála čujuhus masa don mieđihat.
Don gii leat oahppi, sáhtát ieš váldet oktavuođa ja ságastallat PP-bálvalusain jus lea dárbu. Don sáhtát maiddái deavdit digitála čujuhanskovi. Mii bovdet de du ságastallamii. Skovvi gávdno dán neahttasiiddus: Skjema - Henvisning til pedagogisk-psykologisk tjeneste for videregående opplæring.
Don sáhtát eanet lohkat PPB birra Finnmárkku fylkkagieldda neahttasiidduin: Pedagogalaš psykologalaš bálvalus (PPT) - Finnmárkku fylkkagielda
Oktavuođadieđut:
Sollaug Sargon, tlf. 468 63 005, sollaug.sargon@samisk.vgs.no
Giđđat 2026: Linn Guttormsen Eira, tlf. 971 99 968. linn.guttormsen.eira@ffk.no
RÁĐĐEADDI JA ČUOVVOLANBÁLVALUS (ČB)
Ohppiid ráđđeaddi ja čuovvolanbálvalus: Jon Anders Tornensis, + 47 908 23 479
Čuovvolanbálvalus lea dutnje geas lea vuoigatvuohta oažžut joatkkaskuvlla oahpahusa dahje gii:
- Heaittát skuvlla dahje heaittát oahpahallin/oahppokandidáhttan skuvlajagis
- It leat ohcan joatkkaskuvlii dahje oahpposadjái
- It váldde vuostá skuvla- dahje oahpposaji
- It leat fásta barggus
Maid sáhttá čuovvolanbálvalus bargat du ovddas?
Čuovvolanbálvalus álgoálggus geahččá du beroštumiid ja dárbbuid. Mii sáhttit:
- Rávvet ja bagadallat makkár vejolašvuođat dus leat oahppamis ja bargoeallimis
- Veahkehit gávdnat ja ordnet práksissaji, oahppokandidáhttasaji, oahppošiehtadusa jnv.
- Veahkkin váldet oktavuođa PP-bálvalusain ja eará veahkkebálvalusaiguin
Čuovvolanbálvalus ovttasbargá NAV:ain ja eará etáhtaiguin dárbbu mielde, vai don lihkostuvat oažžut oahpu dahje barggu.
Sáhtát lohkat eambbo ČB birra Finnmárkku fylkkasuohkana siiddus.
SKUVLADEARVVAŠVUOĐABÁLVALUS/DEARVVAŠVUOĐADIVŠŠÁR
Dearvvašvuođadivššárat leaba Berit Inger Anne Buljo ja May-Lise Triumf.
Skuvladearvvašvuođabálvalus galgá bargat ovddidit ohppiid obbalaš dearvvašvuođa, ja eastadit dávddaid, vahágiid ja vigiid. Njuolggadusat dearvvašvuođabálvalusaid birra skuvllas, maid Sosiála Departemeantta dohkkehii guovvamánu 23. b. 1983. Fálaldat lea nuvttá, ja oahppit eai oaččo jávkama go fitnet dearvvašvuođadivššára luhtte
Váldde oktavuođa jus don dárbbašat hupmat stuora dahje smávva áššiid birra, dahje jus dus leat persovnnalaš dahje dearvvašvuođa gažaldagat.
Dán bargá dearvvašvuođadivššár:
- Sus lea “uksa rabas” ja lea olámuttos ohppiide
- Rávve ja bagadallá, sihke fysalaš- dahje psyhkalašdearvvašvuođa birra
- Addá obbalaš dearvvasvuođadiehtojuohkima ja oahpaha dihto fáttáid birra
- Ovttasbargá váhnemiiguin, oahpaheddjiiguin/ráđđeaddiiguin, PP-bálvalusain ja eará guoskevaš instánssaiguin
- Čujuha psyhkalaš dearvvašvuođabálvalussii dahje doaktárii, jus lea dárbu
Helsesykepleier har taushetsplikt.
Gos don gávnnát dearvvašvuođadivššára kantuvrra?
- Kantuvra lea 2. gearddis. Kantuvrra nummár lea 2078, ja seamma kantuvrras go PP-bálvalus.
- Dearvvašvuođadivššár lea skuvllas duorastagaid: 09.00-11.00.
Váldde oktavuođa
Váldde oktavuođa dearvvašvuođadivššáriin, dahje boađe drop-in:ii
Váldde oktavuođa
Váldde oktavuođa dearvvašvuođadivššáriin, dahje boađe drop-in:ii.
Berit Inger Anne, Dearvvašvuođadivššár Telefovdna 47 46 68 50
E-poasta berit.inger.anne.buljo@kautokeino.kommune.no
May-Lise, Konstituerejuvvon dearvvašvuođadivššár Telefovdna 46 42 30 65
E-poasta: may.lise.triumf@kautokeino.kommune.no
NUORAID DEARVVAŠVUOĐASTAŠUVDNA
Lea fálaldat dutnje gii leat gaskkal 13 ja 23 jagi.
Leatgo dus jearaldagat, jurdagat dahje váttisvuođat?
Rahpanáiggit: disdagaid dii. 14.30-16.30 – Guovdageainnu dearvvašvuođaguovddážis.
Rahpanáiggit čuvvot skuvlaruvtto.
Fálaldat lea nuvttá ja don it dárbbat diŋgot áiggi.
Doavttir lea doppe dii. 14.30-15.30. Muđui lea dearvvašvuođadivššár dahje jorttamovra doppe.
Eanet dieđut: https://dearvvas.guovdageainnu.suohkan.no/
KLAMYDIA IEŠ-ISKAN
Klamydia ieš-iskan lea nuvttá fálaldat nuoraide gitta 25 jahkásaččaide.
Ieš-iskanstašuvdna Sámi joatkkaskuvllas ja boazodoalloskuvllas:
Ieš-iskanstašuvdna gávdno handicap hivssegis – Hivsset lea kantiina ja gievkkana lahka
Ieš-iskan Sámi joatkkaskuvllas ja boazodoalloskuvllas:
- Iskosa sáhttá bidjat ieš-iskanboksii duorastagaid gaskal diibmu 08.30-11.45. Boksa gurrejuvvo duorastagaid diibmu 11.45.
- Iskosa ja persovdnadieđuid skovi galgá bidjat konvoluhttii, giddet ja bidjat boastakássii mii heaŋgá ieš-iskanstašuvnnas.
Ieš-iskanstašuvdna dearvvašvuođaguovddážis:
- Iskosa sáhttá bidjat ieš-iskanboksii juohke beaivvi. Boksa ii gurrejuvvo vahkkoloahpaid ja skuvlaluomuin.
- Ieš-iskanstašuvnnas gávdnojit dieđut movt galgá čađahit iskosa.
- Iskosa ja persovdnadieđuid skovi galgá bidjat konvoluhttii. Konvoluhta ferte giddet ja bidjat boastakássii mii heaŋgá ieš-iskanstašuvnnas.
Eanet dieđut: https://dearvvas.guovdageainnu.suohkan.no/balvalusat/nuorat/seksualalas-njoammudavddat/klamydia-ies-iskan/