– Dát lea dehálaš olahus sámi faláštallamii, go dál addit sámi nuoraide vejolašvuođa ovdánit dain faláštallansurggiin main leat nanu ruohttasat min kultuvrii. Seammás lea addá fálaldat vejolašvuođa hárjehallat ja searvat sámi njunušfaláštallamii, lohkaba Sara Ellen Anne Eira ja Britt Somby.
Searvva faláštallamiidda ja oaččo oahppogelbbolašvuođa
Skuvla ja SVL áigot intenšuvdnašiehtadusa bokte ovddidit ollislaš oahppo- ja hárjehallanfálaldaga ohppiide geain leat ambišuvnnat olahit buriid bohtosiid sámi njunušfaláštallamiin. Mihttu lea ovddidit ohppiid faláštallanolahusaid, seammás go ožžot obbalaš oahppogelbbolašvuođa. Oahppu galgá maid veahkkin fievrredit sámi árbevirolašmáhtu, ja nannet giela ja identitehta. Prográmmafága šaddá oassin skuvlla faláštallansuorggis.
Skuvlla ja SVL bealis oaivvildit fálaldagas stuora mearkkašumi
– Dát fálaldat nannet min rolla sámi skuvlan, ja lea mielde seailluheame ja fievrredeame sámi faláštallanárbevieruid ođđa áigái. Mis lea ovddasvástádus addit nuoraide rámisvuođa ja gullevašvuođa sámi njunušfaláštallamii, lohká Sara Ellen Anne Eira.
Dáinna fálaldagain ožžot sámi nuorat erenoamáš vejolašvuođa vázzit joatkkaskuvlla, seammás go servet ja fievrredit sámi faláštallamiid ođđa áigái, lohká Britt Somby.